رااح تظحك وعلى مسؤوليتي

حبيت أقدم بعض المواضيع اللي عجبتني

تفضلوا

(أكبر نصابين)

الاول قال: تعرفون البحر الاحمر انا إللي الونته
الثاني قال:تعرفون البحر الميت أنا إللي قتلته
الثالث قال:تعرفوون المحيط الهندي أنا كفيله

(كيف تتخلص من مخالفة الشرطة قبل ما يكتبها الشرطي عليك)



شد حيلك وسو مثله ‎


في أحد الطرق السريعة ، واحد مسرع فوق اللزوم وقفه الشرطي على جنب
نزل الشرطي ودار بينهم هالحديث‎ :


الشرطي : ممكن رخصة السواقة؟ ‎

السائق : آسف رخصتي ملغية لأنها أنتهت ولا جددتها‎


الشرطي : طيب أوراق ملكية السيارة؟ ‎

السائق : هذي ماهي سيارتي ، أنا سارقها‎ .


الشرطي : تقول السيارة مسروقة ؟‎

السائق : أي نعم ، بس لحظة تذكرت ، أظن أني شفت أوراق ملكية السيارة
في درج السيارة لما حطيت مسدسي فيه ‎ .


الشرطي : معك في درج السيارة مسدس بعد ؟ ‎

السائق : أي نعم ، حطيته بعد ما قتلت به صاحب السيارة وحطيت جثته في صندوق السيارة ‎


الشرطي : وفيه جثة معك في السيارة بعد ؟‎

السائق : أي نعم ‎ .


المسكين الشرطي سمع ها الكلام قام على طول صوب المسدس على السائق

وقال له ولا حركة ، وكلم الضابط المناوب حقه وبلغه باللي سمع من
السائق وبسرعة جت سيارات الشرطة وحاصروا السيارة ، جاء الضابط وقرب
من عند السائق وقال أتأكد أول‎ .


الضابط : ممكن أشوف رخصة السواقة ؟ ‎

السائق : أكيد ، تفضل ،وكانت الرخصة سليمة‎ .


الضابط : سيارة مين هذي ؟ ‎

السائق : سيارتي، وهذي أوراق ملكيتها ‎ .


الضابط : لو سمحت تفتح الدرج بهدوء عشان أشوف إذا كان فيه مسدس؟ ‎

السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج ‎.


الضابط : طيب إذا سمحت تفتح صندوق السيارة أبلغوني أنك قلت أن فيه جثة‎ .

السائق : ما فيه مشكلة ، الصندوق أنفتح ، ما فيه أي جثة ..؟؟ ‎


الضابط : شيء غريب
الشرطي اللي وقفك قال أنك قلت له أن ما معك رخصة
وسرقت السيارة ومعك في الدرج مسدس وفيه جثة في صندوق السيارة ‎ .

السائق : حسبي الله عليه .. .. الكذاب ، أكيد بعد قال لك أني مسرع


ههههههههههههه

عررررربجي (( لاااااااا يفووووتك )) )


هذي نصايح عربجي ياليت تطبقونها عشان تشوفون التغيير في حياتكم الروتينيه



جربوها أكيد راح تلاحظون الفرررق


أخليكم مع العربجي وافهمو كلامه زين وحاولوا تطبقونه , ترى ياناااس كلام هالرجال منطقي


العربجي يقووول ....


لاحظت وأنا امشي في الشارع أو الجامعة ولا أي مكااان وجود أخطاء سلوكية في حياتنا ...


فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ... يا إخوان إحنا لازم نرتقي في أساليب التعامل اليومية كفاااايه جهل ؟؟؟؟

بسم الله نبدأ .. وركزووو + طبقووووا



خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..



خطأ : تفتح الإشارة .. ثم يعلق البوري االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد الليلة ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..





خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع الطاقه... واضحك .. < غلللطااان يامعاااند بحر


خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... مع رجليه ... وتصبخه بالارض صبخ ... وتجيب علبة الببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. وإلا فيه سابق معرفه بيني وبينك .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...



خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تأخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) .. ثم ..

قل بينك وبين نفسك ... ماعمري أحلّق عنده ...



خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ النعله ( الله يكرمكم )... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... ثمن ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...




خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني]



خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل دشوش ... وقله نبيك تجي تركّب لنا الدش في السطح ... ولاتنسى تجيب الدريل معك ... لأننا بنركب اكثر من دش .. الليلة ..
ثم واصل للصبح ... خل المسأله عناد



خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...



خطأ:تكتب بعد نهاية أي موضوع تكتبه في المنتدى إن شاء الله ما طولت عليكم

الصحيح :المفروض تكتب إذا طولت هذا شيء راجع لي وبكيفي وإلا من قال لكم تقرون موضوعي ههههه

إنشاء الله أعجبتكم النصايح

هههههههههههههههههههههههههههههههههههه
الله يرجك ياشيخه عليك عربجي مو طبيعي

لا وهذاك العسكري الكمخه خخخخخخخخخخخخخخ

يسلموووووووووو

ههههههههههههههههههههههههههههههههههههههههه
ههآآآآآآآآآآآآآآآآآآآآآآآآآآآآآآآآآآآآآآآآآآي..

الله يرجكـ من جد ضحكتيناا اما العربجي
عليه نصااايح... والله لو اطبقهااا ابمووت